«Բարև, ես եմ…» ուսումնական նախագիծը նախատեսված է առաջին դասարանցիների համար, ովքեր մասնակցել են մուտքի ճամբարին: Այս նախագծի շրջանակում սովորողն ընտանիքի օգնությամբ ու մասնակցությամբ ներկայանում է, պատմում է իր, իր նախասիրությունների մասին: Նախագծվում ներառված են ինքնապատումներ՝ օգնող հարցաշարով, բանաստեղծությունների ու երգերի ցանկ, որոնք սովորողը յուրացրել է նաև Մուտքի ճամբարների ընթացքում: Սովորողի ընտանեկան դպրոցում ստեղծված տեսապատումները էլփոստով ուղարկվում են ուսուցչի էլփոստին, դրանք հրապարակվում են ուսուցչի դասարանական բլոգում: Կրթահամալիրի առաջին դասարան ընդունված սովորողի ծնողի համար կարևոր նախապայման է ունենալ էլփոստի հասցե ու գործածել այն:
Նախագծի նպատակն է ծանոթանալ սովորողների հետ, նրանց էլ ծանոթացնել նախագծային ուսուցմանը:
Խնդիրները՝
- Բանավոր խոսքի զարգացում.
- Հաղորդակցական հմտությունների ձևավորում ու զարգացում.
- Երաժշտական ունակությունների դրսևորում, զարգացում.
- Ստեղծագործական երևակայության զարգացում:
Հիմնական թեմաները՝
- Ես՝ սովորողները ներկայանում և ներկայացնում են իրենց մասին։
- Իմ խաղալիքը
- Իմ ընտանիքը
- Իմ անունը՝ ներկայացնում են անվան պատմությունը
- Իմ բակը
- Իմ քաղաքը
- Ես ճամփորդ եմ
- Ամառային հանգիստ
- Իմ առօրյան
Բանաստեղծություններ
- Աթաբեկ Խնկոյան «Մեղու»
- Հովհաննես Թումանյան «Փիսոն»
- Աթաբեկ Խնկոյան «Աքաղաղն ու կտուրը»
Երգեր
- Արևների շարք
- Կոմիտաս «Ձիուկ»
Կազմակերպումը
Ծնողների, մեծերի օգնությամբ պատրաստել տեսանյութ, որտեղ սովորողները կպատմեն իրենց մասին: Սովորողին օգնղ հարցաշար՝
- Ո՞վ եմ ես (ազգանուն-անուն):
- Քանի՞ տարեկան եմ, ե՞րբ եմ ծնվել:
- Ովքե՞ր են իմ ծնողները, քույր-եղբայրները, տատիկ-պապիկները:
- Ի՞նչ եմ սիրում: Ի՞նչ չեմ սիրում:
- Իմ սիրելի միրգը, բանջարեղենը, կենդանին, խաղալիքը, խաղը, վայրը…
- Իմ երազանքը. եթե կախարդական փայտիկ ունենայի:
- Իմ դպրոցը, ուսուցիչները ինչպիսի՞նն են:
- Իմ, դպրոցի ու ուսուցչի առաջին հանդիպման մասին…
2022-2023 ուստարի
Արևելյան դպրոց-պարտեզ
Արևմտյան դպրոց-պարտեզ
Հյուսիսային դպրոց-պարտեզ
Հարավային դպրոց-պարտեզ