Ընտրությամբ գործունեության բանավոր մաթեմատիկայի խմբի սովորողներն երրորդ ուսումնական շրջանում սկսել են լուծել մարտյան ֆլեշմոբի խնդիրները: Այս անգամ որոշեցինք լուծել մարտյան ֆլեշմոբի հինգերորդ խնդիրը:
Սովորողները մայրիկների համար փնջեցին ծաղիկներ, յուրաքանչյուր փնջում՝ 11 ծաղիկ: 6 հոգու համար այդպիսի ծաղկեփունջ պատրաստելուց հետո 9 ծաղիկ ավելացավ: Սովորողների մոտ սկզբում քանի՞ ծաղիկ կար:
Այս խնդիրը բավականին հեշտությամբ լուծեցին: 6 հոգու համար նախատեսված 11-ական փնջերը հաշվեցին 11 x 6, իսկ ավելացած 9 ծաղիկները գումարեցին: Ստացվեց 11 x 6 + 9 = 75
Այս խնդիրը փորձեցինք դիտարկել մեկ այլ տեսանկյունից. ավելացած 9 ծաղիկները ևս փնջեցինք ու ստացվեց 7 փունջ: 7 փունջը 11-ական ծաղիկներով հաշվեցինք ու ստացվեց 77 ծաղիկ, որից պակասում էին 2-ը, քանի որ 11-ը 9-ից 2-ով է ավելի: