Ապրիլի 21-ին «Մխիթար Սեբաստացի» կրթահամալիրում էր «ՍարվիաԹեք» ընկերության աշխատանքային խումբը: Նախաձեռնությունը կրթահամալիրի ծնող Արևիկ Թութխալյանինն էր: Այցելության նպատակն էր ներկայացնել ժամանակակից նախագծային ծրագրամիջոցների կիրառումը կրթական գործընթացում և դրանց պահանջարկը աշխատաշուկայում, ինչպես նաև քննարկել ծրագրամիջոցների հնարավոր ներդրումը կրթահամալիրի հեղինակային կրթական ծրագրում:
Ընկերության աշխատանքային խմբի անդամներն ու կրթահամալիրի ներկայացուցիչները շրջեցին կրթահամալիրի Արևելյան, Հյուսիսային դպրոց-պարտեզներով, այցելեցին Քոլեջ, Մայր դպրոց, ծանոթացան հեղինակային կրթական ծրագրով իրականացվող ուսումնական գործընթացին: Կրթահամալիրի Տեխնոպարկում ամփոփվեց օրը, ներկայացվեց Solidworks ծրագիրը, հետագա համագործակցության շուրջ ձեռք բերվեցին պայմանավորվածություններ:
Լուսանկարները՝
Ընտրությամբ գործունեություն. բանավոր մաթեմատիկա 